Fundur haldinn hjá framkvæmdastjórn HVE, miðvikudaginn 9. október 2019 kl. 9:00 á Akranesi.
Mættir: Jóhanna F. Jóhannesdóttir, Þura Björk Hreinsdóttir, Linda Kristjánsdóttir, Þórir Bergmundsson og Ásgeir Ásgeirsson.
Dagskrá.
- Samþykkt síðustu fundargerðar.
Fundargerð frá 25. september lögð fram og samþykkt.
- Undirbúningur rekstraráætlunar 2020 og stefnumótun til þriggja ára.
Fjallað um undirbúning rekstraráætlunar 2020 og stefnumótun til þriggja ára. Lagt fram sniðmát og leiðbeiningar frá HBR sem nota á við gerða stefnumótunar árin 2020 til 2024. Skila þarf stefnumótuninni og áætluninni þann 1. nóvember n.k. Farið verður yfir stefnumótunina á næsta fundi.
Rætt um rekstur og rekstrarspá út árið.
- Samantekt á skipulagi endurhæfingar hjá heilbrigðisstofnunum, erindi frá HRN.
Lagt fram erindi frá heilbrigðisráðuneytinu dags. 8. október 2019 um skipulag endurhæfingar á Íslandi. Þar er óskað er eftir upplýsingum um rekstur og starfsemi endurhæfingar á HVE.
- Biðdeild, fyrirsjáanleg lok verkefnis.
Rætt um fyrirsjáanleg lok biðdeildarverkefnisins sem hefur verið rekið hér frá mars 2017. Gert er ráð fyrir að deildin loki endanlega í mars 2020. Lokunin verður væntanlega gerð í áföngum í tengslum við opnun hjúkrunarheimilis á Sléttuvegi í Reykjavík. Fjallað var um mönnunina á deildinni.
- Stjórnendafundur í heilsugæslu 2. október sl.
LK fjallað um stjórnendafund í heilsugæslu sem haldinn var þann 2. október s.l.
- Fjarheilbrigðisþjónusta, upplýsingar um fyrirhugað tilraunaverkefni.
JFJ fjallaði um fjarheilbrigðsþjónustu, fengist hefur ein lína í gegnum heilsuveru til þess að byrja á tilraunarverkefni þar sem samskipti munu fara fram í gegnum Sögu og heilsuveru. Stefnt er verkefnið nái yfir sálfræðiviðtöl við börn.
- Afhending gjafa miðvikudaginn 23. október n.k. 17:30.
Fram kom að þann 23. október n.k. kl. 17:30 munu Hollvinasamtökin afhenta 12 rúm, gert er ráð fyrir að fulltrúar gefenda, Hollvinasamtakanna og starfsmanna munu verða við afhendinguna.
- Mannauðsmál.
- Beiðni um námsleyfi
- Gjaldskrármálefni.
- Hvíldarákvæði.
Fleira ekki gert og fundi slitið kl. 10:40
Ásgeir Á. ritaði fundargerð.