Fundur haldinn hjá framkvæmdastjórn, miðvikudaginn 31. mars 2021 kl. 9:00 um teams.
Mættir:
Dagskrá.
- Samþykkt síðustu fundargerðar
Fundargerð frá 24. mars 2021 lögð fram og samþykkt.
- Mönnun heilsugæslustöðva HVE
ÞB fjallaði um uppsögn Lindu Kristjánsdóttur yfirlæknis heilsugæslustöðvarinnar í Borgarnesi. Uppsögn hennar tekur gildi frá 30. apríl 2021 með þriggja mánaða fyrirvara.
Fundarmenn sammála um að mikil eftirsjá verði af Lindu.
Rætt um mönnun lækna á heilsugæslustöðvum HVE almennt.
JFJ lagði fram yfirlit yfir fjölda íbúa á þjónustusvæðinu og þróun íbúafjölda frá 2010. Íbúum á svæðinu hefur fjölgað um 1.197 á þessum árum 6,8%, þar af 1.171 á Akranesi 16,3%. Rætt um nauðsyn þess að skoða læknisþjónustu á svæðinu öllu m.t.t. álags og fjölda. Þá þarf að taka mið af fjármögnunarlíkani og álagi í læknamönnun.
Málefnið rætt.
Þá var samþykkt að auglýsa eftir tveimur læknum fyrir Ólafsvík og Grundarfjörð strax eftir helgina. Gert verður ráð fyrir að þeir vinni saman hvað varðar vaktir og fleira.
- Önnur mál
- Þjónusta geðlækna
Lagður fram tölvupóstur frá Sigurði Erni Hektorssyni yfirlækni hjá HH. Erndi hans var að fá upplýsingar um geðlæknisþjónustu á svæðinu og hvort falast verði eftir einhverri þjónustu frá HH í þessum efnum.
- Fullbólusettir starfsmenn sem ferðast erlendis.
Fullbólusettir starfsmenn HVE sem ferðast erlendis.
- Fara í sýnatöku þegar heim er komið (við fyrsta mögulega tækifæri).
- Ef sýni neikvætt þá má starfsmaður mæta til vinnu en skal nota maska og hanska við öll sín störf.
- Sýnataka aftur á 5.degi frá heimkomu/fyrri sýnatöku.
- Ef sýni neikvætt þá er varúðarráðstöfunum aflétt.
Rætt um málefnið, fram kom að hið sama gildi um þá sem sýkst hafa af Covid.
Fleira ekki gert og fundi slitið kl. 10:15
Ásgeir Á. ritaði fundargerð.