Fundur haldinn miðvikudaginn 16. febrúar 2022 kl. 9:00 um Teams.
Mættir: Jóhanna F. Jóhannesdóttir, Þura B. Hreinsdóttir, Þórir Bergmundsson, Rósa Marinósdóttir, Vilborg Lárusdóttir og Ásgeir Ásgeirsson.
Dagskrá.
- Samþykkt síðustu fundargerðar.
Fundargerð frá 2. febrúar 2022 lögð fram og samþykkt.
- Covid, staðan innan HVE
Fjallað um stöðuna innan HVE. Fram kom að nú væri staðan í raun graf-alvarleg í ljósi þess að nú væri þetta farið að ógna starfsemi HVE. Nú eru 399 skráðir í einangrun innan svæðis HVE, um 100 manns greinast á okkar svæði á hverjum degi. 248 eru nú í einangrun hér á Akranesi, farið að snerta starfsmenn okkar nokkuð. En samtals eru um 30 starfsmenn frá vinnu núna vegna covid eða sóttkvíar.
Nefndi sem dæmi að nú væri um 27 íbúar smitaðir í Grundafirði, eða um 12% af íbúa fjölda, smit eru um 3,3% af fjölda íbúa á Akranesi sem dæmi. Á starfssvæði HVE eru þetta um 2,1% af íbúum.
Farið yfir flæðirit Landspítala sem einnig mun gilda hér innan HVE varðandi starfsmenn. Þó verða notuð hraðpróf í stað PCR prófa.
Rætt um að ef það á að aflétta öllu, þá verði að hætta sýnatöku að auki. Enda verði karfa um einangrun lögð af.
Þá var rætt um bólusetningar, boðaðir eru um 540 í dag. Umræða var um erindi ráðuneytis um þjálfun fleiri starfsstétta til bólusetninga, fundarmenn sammála um að þetta erindi komi nú fremur seint fram, enda faraldurinn á enda. Enda fari mun meiri tími í utanumhald, skipulag og blöndum efna en eiginleg bólusetning.
- Hjúkrunarrými í Stykkishólmi
Farið yfir væntanleg hjúkrunarrými á HVE í Stykkishólmi. En gengið var frá samkomulagi á milli HRN og Stykkishólmsbæjar um flutning á þjónustu Dvalarheimilisins í Stykkishólmi til HVE. Þar kemur meðal annars fram að aðilar séu sammála um að HVE taki við þjónustunni frá og með 1. júní 2022, sem felur í sér að samningur Stykkishólmsbæjar við Sjúkratyggingar Íslands mun gilda til og með 31. maí 2022.
HVE hefur móttekið lista yfir 19 starfsmenn sem færast yfir á HVE frá Stykkishólmsbæ, samtals 15,6 stöðugildi. Ganga þarf frá formlegri ráðningu þessara starfsmanna kjósi þeir svo, fyrir 1. apríl n.k.
- Liðskiptaaðgerðir og framkvæmdir við skurðstofu 3
Fundur var haldinn með fulltrúum HRN 15. febrúar um væntanlega liðskiptamiðstöð hjá HVE. Þar kom fram að ráðgert er að skurðdeildin verði tilbúinn í byrjun maí, það hefur orðið um 2 vikna seinkun á smíði skurðstofnunar sem sett er inn í húsnæðið. Fjallað var um hækkun á gjaldi pr. aðgerð á fundinum og hækkun á verðum tækjabúnaðar. Fundað verður sérstaklega með ráðuneytinu fljótlega um þau mál.
Samþykkt að endurverkja auglýsta stöðu svæfingalæknis í ráðningarkerfi. JFJ, ÞB og ÁÁ munu fundu með yfirlækni svæfinga um málefnið.
- Mannauðsmál
5.1 Rafrænt eyðublað um ráðningu nýrra starfsmanna.
Vilborg kynnti lítilega rafrænt eyðublað um ráðningu nýrra starfsmanna.
5.2 Verklagsreglur um viðbrögð vegna gruns um áfengis, vímuefna eða notkun á slævandi lyfjum.
Rætt um endurskoðun þessarra reglna frá september 2019.
VL og ÞBH munu fara yfir verklagsreglurnar og leggja fram endurskoðaðar reglur á næsta fundi.
5.3 Jafnlaunaúttekt.
Jafnlaunaúttekt átti að vera í mars, en hefur verið fresta til maí n.k.
5.4 Auglýsing stöður lækna.
ÞB fjallaði um auglýsingar um stöður lækna, fram kom að ekki hafi komið umsóknir um stöðu heilsugæslulæknis í Borgarnesi.
5.5 Byrlanir.
Rætt um gerð viðbragðs fyrir starfsmenn okkar ef grunur vaknar um byrlanir skjólstæðinga sem til okkar leita vegna slíks.
Fleira ekki gert og fundi slitið kl. 10:00.
Ásgeir Á. ritaði fundargerð.