Fundur haldinn miðvikudaginn 30. mars 2022 kl. 9:00 um Teams.
Mættir: Jóhanna F. Jóhannesdóttir, Þura B. Hreinsdóttir, Rósa Marinósdóttir, Vilborg Lárusdóttir og Ásgeir Ásgeirsson. Þórir Bergmundsson er í orlofi.
Dagskrá.
- Samþykkt síðustu fundargerðar
Fundargerð frá 23. mars 2022 lögð fram og samþykkt.
- Covid, staðan
Fjallað um stöðu mála. Fram kom að augljóst væri að covidið væri á niðurleið, t.d. voru um 16 í sýnatöku í gær á Akranesi og um 10 í Borgarnesi. Þá nefndi JFJ að skæð inflúensa væri í gangi þessa daganna.
Rætt um heimsóknir, fram kom að heimsóknir hafa verið leyfðar aftur á stofnuninni frá kl. 16 til 17 fyrir einn gest á dag, frá og með 29. mars að telja.
Allir staðir HVE mun aðeins taka hraðpróf, ekki PCR. Gerðar hafa verið breytingar á þá vegu í Heilsuveru.
- Samkoma fyrir starfsmenn
Rætt um samkomu fyrir starfsmenn og maka þeirra laugardaginn 21. maí 2022.
JFJ lagði fram drög að auglýsingu fyrir starfsmenn. Verður birt í dag á WorkPlace.
- Erindi Lyfjastofnunar. Markaðseftirlit – gæðastýring lækningatækja.
Lagt fram erindi Lyfjastofnunar um úttekt með lækningatækjum dags. 24. mars 2022.
Úttektin mun eiga sér stað þann 27. apríl 2022 á milli kl. 9 til 16. Gögn sem Lyfjastofnun óskar eftir að liggi fyrir eigi síðar en 20. apríl 2022.
- Starfslýsingar lykilstarfsmanna, þ.e. starfsmanna sem bera ábyrgð á gæðum og öryggi lækningatækja.
- Yfirlit gæðahandbókar vegna lækningatækja.
Þá óskar Lyfjastofnun eftir að eftirfarandi gögn verði tiltæk við upphaf úttektar þann 27. apríl 2022.
- Gæðahandbók, gæðayfirlit fyrir lækningatæki.
- Listi yfir skráð gæðaatvik, frávik, galla og óvirkni lækningatækja sl. tvö ár.
- Listi yfir lækningatæki án CE merkinga sl. tvö ár.
- Listi yfir skráð viðhald sl. tvö ár.
- Listi yfir þjálfun starfsmanna á lækningatækjum sl. tvö ár.
ÁÁ mun setja verkið að stað.
- Stofnun ársins – niðurstöður 2021
Vilborg fór yfir niðurstöður um stofnun ársins 2021.
Þá var fjallað um notkun Workplace meðal starfsmanna. Hvetja þarf starfsmenn til frekari þátttöku á miðlinum.
Fleira ekki gert og fundi slitið kl. 10:40
Ásgeir Á. ritaði fundargerð.