Fundur haldinn hjá framkvæmdastjórn, miðvikudaginn 1. september 2021 kl. 9:00 um Teams.
Mættir: Jóhanna F. Jóhannesdóttir, Þura B. Hreinsdóttir, Þórir Bergmundsson og Ásgeir Ásgeirsson. Rósa Marinósdóttir er í orlofi.
Dagskrá.
- Samþykkt síðust fundargerðar.
Fundargerð frá 25. ágúst 2021 lögð fram og samþykkt.
- Covid, staðan.
ÞB fór yfir stöðuna í dag, nú eru 25 smitaðir á Vesturlandi og 42 í sóttkví. Smituðum hefur þannig fækkað um 5 miðað við gærdaginn. Þó bættust við þrjú smit í gær. Af 25 smitum á Vesturlandi eru 21 á Akranesi.
Rætt um skimun og notkun hraðprófa.
Í síðustu viku tók gildi reglugerð um smitgát í skólum og á vinnustöðum, en markmiðið með henni er að fækka þeim sem þurfa að fara í sóttkví ef upp koma smit í skólum eða á vinnustöðum. Eingöngu þeir sem eru í hvað mestri nálægð við hinn smitaða þurfa að fara í sóttkví en aðrir í smitgát. Í smitgát getur einstaklingur mætt til vinnu eða í skólann með því skilyrði að mæta í skyndipróf á 1. og 4. degi og fylgjast vel með einkennum (einhverjar fleiri takmarkanir líka). Ef viðkomandi mætir ekki í seinni sýnatökuna á að segja hann í sóttkví, eftir áminningu, sem hann losnar þá úr með PCR-prófi á 7. degi.
Lagður var fram verkefnalisti frá embætti Landlæknis.
Rætt var um endurskoðun leiðbeininga og reglugerða.
Fram kom að á öllum stöðum okkar eru uppsettur tölvubúnaður, skanni og verið er að sækja rekka fyrir hraðprófinn. ÞB segir að líklega verði hagstæðast verði að setja sama starfsmann til að fara á milli staða þar sem þarf til að taka að sér málefnið. Á minnstu stöðum okkar ætti að vera hægt að koma þessu inn í starf heilsugæslunnar, rætt um mögulegt skipulag.
- Heilsugæslusvið og fjármögnunarlíkan.
Rætt um rekstur, mönnun og þjónustu á heilsugæslusviði. JFJ fór yfir stefnuskjal og ársáætlun HVE og samantekt á þjónustumagni á heilsugæslum. Þá fór hún yfir yfirlit sem fram kemur á samráðsgátt um skilgreiningu á opinberri þjónustu og jöfnun aðgengis.
Fjallað um mögulegar breytingar á vaktþjónstu og skipulagi.
Fundarmenn eru sammála um að nota skuli fjármögnarlíkan ráðuneytis til að setja upp rekstraráætlun og þjónustustig verði þannig í jafnvægi við líkan.
Fleira ekki gert og fundi slitið kl. 11:05.
Ásgeir Á. ritaði fundargerð.