Fundur haldinn hjá framkvæmdastjórn, miðvikudaginn 12. október 2022 kl. 9:00 á Akranesi.

Mættir:    Jóhanna F. Jóhannesdóttir, Þura B. Hreinsdóttir, Vilborg Lárusdóttir, Rósa Marinósdóttir, Björn Gunnarsson og Ásgeir Ásgeirsson.   Þórir Bergmundsson er í veikindafríi.

 

Dagskrá.

  1. Samþykkt síðustu fundargerðar

Fundargerð frá 21. september 2022 lögð fram og samþykkt.

  1. Fjárlagafrumvarp 2023 og fjármögnunarlíkan heilsugæslunnar

Fjallað um fjárlagafrumvarp fyrir árið 2023 og fjármögnunarlíkan heilsugæslunnar.

  1. Ný mælaborð í Qlick

Farið yfir nýtt mælaborð í qlick.   Von er á að fjárhags- og launaupplýsingar komi inn næstu daga.

  1. Úttekt EL í næstu viku á heilsugæslusviði

Fjallað um úttekt EL í næstu viku á heilsugæslusviði.   Umbeðnar upplýsingar hafa verið sendar til embættisins.  Næsta skref í úttektinni er að embættið hefur boðað heimsókn á staðina í næstu viku, mánudag og þriðjudag.  Byrjað er á Akranesi á mánudaginn kl. 8:30 með fund með stjórnendum.  Fara svo eftir hádegi í Borgarnes og Stykkishólm.  Þriðjudaginn fer embættið í Ólafsvík, Grundarfjörð, Hvammstanga og Hólmavík.  Búðardalur var ekki nefndur í pósti embættisins.

  1. Endurskipan í sýkingavarnanefnd

Eftirtaldir hafa verið skipaðir að nýju í sýkingavarnanefnd.

Guðrún Hrómasdóttir formaður, Anna Þóra Þorgilsdóttir, Ingi Karl Reynisson og Anna Signý Árnadóttir.

Sýkingavarnarnefnd er skipuð vegna sjúkrahússtarfsemi samkvæmt reglugerð.

  1. Skipan umdæmislæknis sóttvarna á HVE og svæðislæknis sóttvarna á Akranesi

Heilbrigðisstofnun Vesturlands tilnefnir Þórð Ingólfsson yfirlæknir á heilsgæslustöð HVE í Búðardal sem umdæmislækni sóttvarna á Vesturlandi í stað Þóris Bergmundssonar.

Þá er Jóhannes Bergsveinsson yfirlæknir á heilsugæslustöð HVE á Akranesi tilnefndur svæðislæknir fyrir Akranes.

Umdæmis- og svæðislæknar sóttvarna á Vesturlandi

Umdæmislæknir: Þórður Ingólfsson

Svæðislæknar:

Jóhannes Bergsveinsson, Akranesi

Geir Karlsson, Hvammstanga

Skipunin hefur ekki verið staðfest af heilbrigðisráðherra.

  1. Starfsmannafundir framundan

Fundað verður með starfsmönnum í Ólafsvík fimmtudaginn 20. október n.k. Stefnt verður að farið verði í Stykkishólm að auki.  Höfum tvo fundi í Stykkishólmi til þæginda fyrir starfmenn á meðan við rekum hjúkrunardeildina í öðru húsi.

Samþykkt að hafa fund með stjórnendum á Akranesi miðvikudaginn 19. október 2022.

Fleira ekki gert og fundi slitið kl.  11:37

Ásgeir Á. ritaði fundargerð.