Fundur haldinn hjá framkvæmdastjórn, miðvikudaginn 25. febrúar 2026 kl. 9:00.
Mættir: Jóhanna F. Jóhannesdóttir, Hulda Gestsdóttir, Vilborg Lárusdóttir, Sigurður E. Sigurðsson og Ásgeir Ásgeirsson.
Dagskrá.
- Samþykkt síðustu fundargerðar.
Fundargerð frá 18. febrúar 2026 lögð fram og samþykkt.
- Fjármál og rekstur.
Fjallað um fjármál og rekstur. Ekki hafa fengist viðbrögð frá HBR vegna rekstrarstöðu, hvorki varðandi síðasta ár né þetta, vísa í fyrri fundargerðir um málefnið.
Lagt fram og rætt um yfirlit vegna sjúkraflutninga síðasta árs sem tekið var saman fyrir HBR vegna málsins.
SES fjallaði um fund sinn í gær með stjórnendum varðandi þjónustu á skurðsviði, legudeildum og endurhæfingu. Fram kom hjá honum að unnið verður frekar að skipulagi þessa árs, en það liggur fyrir að það verði borð fyrir báru í skurðtíma, t.d. vegna fyrirsjáanlegrar fækkunar á kvensjúkdómaaðgerðum á þessu ári fram til hausts. Til skoðunar verður að fjölga kviðslitsaðgerðum, gera Turpaðgerðir og fjölga liðskiptaaðgerðum. Þá var rætt um brotaþjónustu á bæklunarsviði.
JFJ fór yfir biðlista hjá okkur.
Gerður hefur verið samningur við Landspítala um þjónustu kvensjúkdómalæknis varðandi áhættumeðgöngu, læknir kemur á HVE tvisvar sinnum í mánuði.
- Fjármögnunarlíkna heilsugæslunnar.
Lögð fram og fjallað um fjármögnunarlíkan heilsugæslunnar, janúar 2026. Rætt um líkanið.
- Geðheilbrigðisþjónusta og skortur á sálfræðingum.
Rætt um fund með Emil Einarssyni yfirsálfræðingi sem haldinn var 23. feb. þar sem farið var yfir mönnun í sálfræðiþjónustu. Biðtími eftir sálfræðiþjónustu fyrir fullorðna er langur þar sem einn sálfræðingur er nýlega hættur og annar í barnsburðarleyfi. Ágæt staða er á biðlista eftir sálfræðiþjónustu fyrir börn. Verið er að auglýsa í þriðja sinn.
Ákveðið var að leita nýrra leiða og skoða m.a. möguleika á tímabundinni þjónustu sjálfstætt starfandi sálfræðings.
Lögð fram stöðuskýrsla varðandi umbreytingar í geðheilbrigðisþjónustu barna.
Fleira ekki gert og fundi slitið kl. 10:50
Ásgeir Á. ritaði fundargerð.